„Боинг“ проценува кога да ја лансира вселенската капсула „Старлајнер“

„Боинг“ во понеделникот соопшти дека проценува повеќе датуми овој месец за лансирање на вселенската капсула „ЦСТ-100 Старлајнер“ до Меѓународната вселенска станица, пренесе Ројтерс.
Компанијата минатата недела го одложи многу очекуваното лансирање на капсулата, откако откри пропусти во вентилите на нејзиниот погонски систем за време на проверките пред лансирање.

„Боинг“ во понеделникот соопшти дека во текот на викендот ги поправил проблемите на повеќе од 13-те вентили на погонскиот систем „CST-100 Starliner“, а инспекциите не покажаа знаци на оштетување или надворешна корозија.

„Седум од 13 -те вентили сега работат како што е дизајнирано, а инспекцијата и санацијата на преостанатите вентили ќе се извршат во наредните денови“, велат од компанијата.

„Боинг“ соопшти дека работи со НАСА и „Јунајтед лаунч алајанс“, партнерство со „Локид Мартин“, за да ги потврди датумите на лансирање кога леталото ќе биде подготвено.

„ЦСТ-100 Старлајнер“ ќе носи луѓе до и од ниската орбита, а „Боинг“ соопшти дека мисијата со екипаж ќе се случи не порано од декември, бидејќи се натпреварува со SpaceX на Илон Маск, кој ќе биде првиот што ќе ги врати астронаутите на НАСА во вселенската станица од Американска почва по речиси една деценија.