Аутистичен хакер кој објави клипови од GTA 6 осуден на доживотен престој во болница со осигурување

Аутистичен 18-годишен хакер, кој објави клипови од претстојната игра Grand Theft Auto VI, е осуден на постојан престој во болница со осигурување.

Станува збор за Арион Куртај од Оксфорд, кој е клучен член на меѓународната хакерска група Lapsus$. Нападите на технолошките гиганти како Uber, Nvidia и Rockstar Games им заработија на хакерите речиси 10 милиони долари.

Судијата рече дека вештините и желбата на Куртај да изврши сајбер-злосторства значат дека тој останува голем ризик за јавноста. Затоа тој ќе остане во болница со осигурување до крајот на својот живот, освен ако лекарите во иднина не проценат дека повеќе не е опасност.

Во судот беше кажано дека Куртај бил насилен во притвор и е одговорен за голем број повреди и штети. Лекарите го прогласија за неспособен да му се суди поради акутен аутизам, па од поротата беше побарано да утврди дали ги извршил или не наводните дела, а не дали ги извршил со криминална намера.

Во проценката на менталното здравје користена како дел од сослушувањето за изрекување на казната, се наведува дека Куртај „продолжил да ја изразува својата намера да се врати на сајбер криминалот што е можно поскоро и дека е многу мотивиран да го стори тоа“.

На судот му беше кажано дека платил кауција откако ги хакирал Nvidia и BT/EE и дека бил во хотел Travelodge под полициски надзор, но дека и покрај тоа продолжил да хакира. Тогаш тој го изврши својот најпознат хакерски напад.

Иако лаптопот му бил одземен, Куртај ја пробил заштитата на Rockstar, компанијата која ја развива играта GTA 6, и користел само Amazon Freestick, хотелска телевизија и мобилен телефон. Потоа украл 90 клипови од сè уште необјавената игра. Но, тоа не е сѐ, тој упаднал во внатрешниот систем на компанијата Slack и објавил порака во која напишал „Ако Rockstar не ме контактира на Telegram во рок од 24 часа, ќе почнам да го објавувам изворниот код“.

После тоа, тој објави клипови и изворен код на форумот под прекарот TeaPotUborHacker. Потоа следуваше ново апсење и притвор до судењето.

На почетокот на овој месец беше објавен трејлерот за GTA 6 кој за четири дена го погледнале 128 милиони луѓе. Одбраната на Куртај пред судот рече дека успехот на трејлерот покажува дека Куртај всушност не му нанел сериозна штета на инвеститорот и побара тоа да се земе предвид при одлучувањето за казната.

Сепак, судијата истакна дека има вистински жртви и вистинска штета како резултат на неговите хакерски активности. Претставниците на Rockstar изјавија дека хакирањето чини 5 милиони долари, како и илјадници работни часови.

На истото судење беше прогласен за виновен уште еден член на Lapsus$, кој не е именуван бидејќи има 17 години. Тој соработувал со Куртај и другите членови на групата во хакирањето на Nvidia и телекомуникациската компанија BT/EE со цел да украде податоци и да бара откуп од 4 милиони долари, кој на крајот не бил платен. Исто така, тие украле пари директно од поединци од нивните паричници со криптовалути. 17-годишникот е осуден на 18 месеци „рехабилитација“ под строг надзор, а исто така му е забрането да користи VPN на Интернет.

Тој и Куртај се првите осудени членови на споменатата хакерска група, но се трага и по останатите.