Американецот кој се шегуваше со короната, почина од вирусот
Маж од Калифорнија кој на социјалните мрежи ги омаловажуваше вакцините и пандемијата, почина во средата во болница, по едномесечна борба со корона вирусот.
Стивен Хармон, член на црквата Хилсонг, беше главен противник на вакцините и често се шегуваше со тоа дека не се вакцинирал, пишува Би-би-си.
„Имам 99 проблеми, но вакцината не е еден од нив“, напиша тој во јуни.
„Не знам кога ќе се разбудам, ве молам, молете се за мене“
Но, сега, пред својата смрт, Хармон на социјалните мрежи ја документира својата борба со вирусот и објави своја фотографина во болнички кревет.
34 y.o. anti-vaxxer Stephen Harmon died from COVID on July 21. On June 3rd he posted a tweet saying "I got 99 problems but a vax ain’t one." Please #GetVaccinated and wear a mask. #SoulsLostToCovid https://t.co/BkWV1DTSrd pic.twitter.com/i2ZW2MHhU7
— Cleavon MD 💉 (@Cleavon_MD) July 23, 2021
„Молете се за мене, сакаат да ме интубираат и да ме стават на респиратор“, рече тој.
Во средата, во својот последен твит, напиша дека одлучил да оди на респиратор.
„Не знам кога ќе се разбудам, ве молам, молете се за мене“, напиша.
Покрај својата борба со вирусот, Хармон и понатаму тврдеше дека нема да се вакцинира, затоа што заштита ќе му пружи неговата вера. Тој имаше 34 години.