Адел се врати на сцената со вино – нов раскошен спот за песната „I Drink Wine” (видео)

САД- Адел се врати! Поп-ѕвездата во четвртокот објави ново бујно музичко видео за нејзината песна „I Drink Wine” во она што беше нејзино прво ново видео од јануари.

Во Спотот Адел,  15-кратна добитничка на Греми, 34, лебди низ река додека — погодувате! – пие  вино.

Музичкото видео е прво за ѕвездата откако го објави едно за „Oh My God“ уште во јануари. Тоа е, исто така, само третиот што доаѓа од нејзиниот најнов албум 30, кој излезе во ноември.

Тоа беше возбудлива есен за Адел, која во септември освои специјална (претходно снимена) награда Еми за нејзиното шоу  Адел: Само една ноќ.

Адел, исто така, се подготвува да ги започне своите одложени концерти во Лас Вегас Викенди со Адел во ноември. Таа треба да одржи 32 концерта во Колосеумот на Цезар Палас од 18 ноември до 25 март 2023 година.

Со овој договор, Адел, најголемата поп-ѕвезда на денешницата која заработува само од музика, би поставила нов рекорд на најголема заработка на поп-ѕвезда досега за престој во Вегас (таа ќе заработи пет пати повеќе од она што Леди Гага го заработи на Стрип во 2018 година).