Синот на Трамп на лов во Казахстан со рускиот олигарх што му ја плати свадбата

Најстариот син на американскиот претседател Доналд Трамп, Доналд Трамп помладиот, отишол на лов во Монголија кон крајот на август, каде што престојувал во камп со олигархот поврзан со Кремљ, Умар Кремлев. „Фајненшл тајмс“ ги утврдил околностите на патувањето врз основа на сведоштва од локални водичи и службеници, податоци за летот, објави на социјалните мрежи и јавни документи.

 Кремлев долетал до монголската престолнина Улан Батор со чартер авион од Казахстан, по што отпатувал во ловниот камп на Доналд Трамп помладиот во западниот дел од земјата. Заедно со Кремлев патувал и рускиот бизнисмен Артур Мартиросов, партнер во санкционираниот од САД ризичен фонд „Воскход“. Според „Фајненшл тајмс“, Трамп помладиот и Кремлев поминале два дена заедно, по што Русинот се вратил во Улан Батор.

Еден од локалните учесници во патувањето рече дека Трамп помладиот и Кремел внимавале да не бидат фотографирани заедно за време на нивниот престој во кампот на Трамп помладиот.

Портпаролот на Трамп помладиот изјави дека тие двајцата развиле лично пријателство преку заедничка страст за лов, риболов и рекреација на отворено. Според него, тие биле запознаени од заеднички познаник од ловџиската заедница и нема деловни односи меѓу нив.

Цитат од портпаролот на Трамп помладиот: „Дон јасно стави до знаење дека има лично пријателство, а не деловни односи, со Умар. Нивното пријателство во голема мера се темели на нивната заедничка љубов кон ловот, риболовот и природата. Не треба да биде изненадување за никого што тие отишле на лов заедно претходно оваа година.“

 Во меѓувреме, експертите за контраразузнавање предупредуваат дека контактите меѓу членовите на семејството на американскиот претседател и лицата со врски со руските власти би можеле да претставуваат ризици за националната безбедност.

„Навистина не е важно дали луѓето имаат најдобри намери. Во моментот кога руските безбедносни и разузнавачки служби ќе откријат дека некој има врска со некој од висока вредност, тие ќе се обидат да го искористат тоа како оружје“, рече Холден Триплет, кој беше директор за контраразузнавање во Советот за национална безбедност на САД за време на првиот мандат на Трамп.

За време на престојот во Монголија, Трамп помладиот ловел ретки алтајски аргали – загрозена дива овца – и се сретнал со монголскиот претседател Ухнаагин Курелсух.

Инаку, 43-годишниот Кремлев е претседател на Меѓународната боксерска асоцијација, организација со седиште во Лозана која ги надгледува меѓународните натпревари и поставува правила и стандарди во спортот. Пред ова, почнувајќи од 2017 година, тој ја предводеше Руската боксерска федерација.

На почетокот на октомври, Кремел тврдеше дека синот на Трамп ги вратил парите што Русинот ги потрошил за прослави по свадбата организирани од него како подарок. Претходно, американскиот државен обвинител Тод Бланш јасно стави до знаење дека нема да спроведе истрага за свадбата на Трамп помладиот, која делумно беше финансирана од рускиот олигарх Умар Кремлев.

Членовите на семејството на претседателот Доналд Трамп категорично негираа дека го познаваат Кремел, додека демократите на Капитол Хил ветија дека ќе започнат истрага.