Американската војска забрани влез на „BYD“ возила во базата на јапонскиот остров Окинава

Американската војска забрани влез на возила на кинескиот производител на електрични автомобили „BYD“ во воздухопловната база „Кадена“ на јапонскиот остров Окинава, оценувајќи дека тие претставуваат „неприфатлив ризик“ за персоналот и воените операции.

Забраната стапи во сила оваа недела и се однесува на сите возила на компанијата, вклучително и приватни автомобили, такси-возила и доставни возила, пренесе „Гардијан“.

Обезбедувањето на влезовите во базата добило инструкции да ги запира возилата „BYD“ и да им наложува на возачите да се вратат.

Мерката доаѓа во време на засилени безбедносни проверки во САД насочени кон кинеските технолошки и автомобилски компании. Пентагон претходно објави ажуриран список компании за кои смета дека ја поддржуваат кинеската војска. На списокот се „BYD“, производителот на електрични автомобили „Ниo“, интернет-компанијата „Алибаба“ и технолошката фирма „Баиду“.