Изборната комисија на Србија ја прифати Студентската листа

Републичката изборна комисија (РИК) на Срибија ја шрогласи изборната листа „Студентска листа – Студентите победуваат“. Сите 19 присутни членови на РИК гласаа за објавување на листата. Членовите на РИК, исто така, донесоа одлука за назначување на член и заменик-член на РИК во проширен состав по предлог на подносителот на листата „Студентска листа – Студентите победуваат“.

Марија Јовановиќ, членка на РИК, на почетокот на седницата изјави дека вкупниот број на правно валидни потписи поднесени од студентите е 69.099.

Таа изјави дека е утврдено дека изборниот список ги исполнува условите во однос на застапеноста на половите, како и дека е приложена целата законски пропишана документација и дека е правно валиден.

Студентското движење синоќа достави потписи до РИК за листата на граѓанската група „Студентски листа – Студентите победуваат“.

Во текот на викендот, студентите собираа потписи, а голем број граѓани низ цела Србија чекаа во редови повеќе од шест часа за да ги поддржат.

На вчерашниот собир по повод предавањето на потписите, кој започна пред зградата на Ректоратот, Архивата на јавни собири објави дека вчера во 17,50 часот биле присутни околу 6.000 луѓе.

По поднесувањето на списокот до РИК, студентите објавија изборна листа со 250 кандидати за Народното собрание, за кој тврдат дека е создаден преку повеќе од една година пленуми, блокади и заедничко донесување одлуки. Прв на овој список е д-р Илија Срдановиќ.