„Спејс икс“ праќа мисија само со цивили, три дена во орбитата

„Спејс икс“ утре, ќе лансира четири лица во тридневна приватна мисија во орбитата на Земјата, прва каде ќе учествуваат исклучиво цивили. Компанијата на Илон Мaск со тоа влегува во борба за својот дел од колачот во вселенскиот туризам.

Мисијата Inspiration4 го заокружува летото во кое милијардерите Ричард Бренсон и Џеф Безос полетаа во вселената со вселенското летало Virgin Galactic и Blue Origin во само неколку дена разлика во јули.

Летот на SpaceX го изнајми американскиот милијардер Џаред Исакман, 38-годишниот основач и извршен директор на компанијата за обработка на плаќања Shift4 Payment, воедно и искусен пилот.

Точната сума што ја плати на SpaceX не е објавена, но станува збор за десетици милиони долари.

Мисијата е далеку поамбициозна отколку неколку минути во бестежинска состојба, како што клиентите можат да купат за Virgin Galactic и Blue Origin.

Вселенското летало Crew Dragon на SpaceX ќе лета подалеку од орбитата на Меѓународната вселенска станица (ISS).

„Не е дека не постои ризик“, рече Исакман во епизода од документарецот на Нетфликс за таа мисија.

„Возите ракета со брзина од 28.000 километри на час околу Земјата. Постојат ризици во такви услови “.

SpaceX веќе десет пати достави астронаути на ISS за НАСА, но ова ќе биде првпат да не пренесе професионални астронаути во вселената.

Полетувањето е закажано за среда во 2 часот наутро по средноевропско време од полигонот 39A во Центарот Кенеди на НАСА во Флорида, од каде што беа лансирани мисиите на Аполо на Месечината.

Дали одиме на Месечината?

Заедно со Исакман, кој е командант на мисијата, беа избрани тројца цивили.

Секој член на екипажот е избран да претставува еден столб на мисијата.

Најмладата, Хејли Арцено, преживеа рак на коските како дете и претставува „надеж“. Таа ќе биде првиот човек со протеза во вселената. „Одиме ли на Месечината?“, праша таа, кога и беше понудено место. „Слушнав дека луѓето не биле таму со децении“, рече таа со насмевка.

29-годишната девојка е избрана затоа што работи како помошник лекар во болницата Св. Jуд во Мемфис, а другата патничка е нејзиниот донатор, со што се обезбедува место за „великодушност“. Крис Семброски (42) е поранешен ветеран на американското воздухопловство, кој сега работи во воздухопловната индустрија.

Последното место е „напредок“ и беше понудено на Сијани Проктор, 51-годишна професорка по геонауки, која за малку ќе станеше астронаут на НАСА во 2009 година. Таа ќе биде четвртата Афроамериканка во вселената.

Повеќемесечни подготовки

Подготовките на екипажот траеја со месеци и вклучуваа искуство на Г-сила во центрифуга.

Тие, исто така, испробале параболични летови за да доживеат бестежинска состојба неколку секунди и да пешачат на голема надморска височина на планината Рение, покриена со снег, во северозападниот дел на САД.

Исто така, тие поминаа извесно време во базата на SpaceX, иако самиот лет ќе биде целосно автономен.

За време на нивниот тридневен престој во орбитата, ќе се следат нивниот сон, отчукувањата на срцето, крвната слика и когнитивните способности.

Пред и по летот, ќе се спроведат тестови за да се проучи ефектот на летот врз нивните тела. Целта е да се соберат податоци за идните мисии со цивили.

Целта на мисијата е вселената да стане достапна за повеќе луѓе, иако патувањето во вселената во моментов е само делумно возможно за неколкумина привилегирани. „Во целата човечка историја, помалку од 600 луѓе биле во вселената“, рече Исакман. „Горди сме што нашиот лет ќе придонесе за оние што ќе патуваат по нас.