Емир Кустурица стана советник на Додик
Режисерот Емир Кустурица вработен е како советник на претседателот на претседателството на Босна и Херцеговина, Милорад Додик, со што тој го исполни предизборното ветување, пишува Klix.ba.
Откако медиумот отворено го критикувал претседателството што јавно не ги објавил имињата на новоназначените советници, денеска на официјалната веб страна тие се објавени.
Кустурица со ова назначување „го оствари правото од џебовите на граѓаните на Босна и Херцеговина, во согласност со Законот за плати во институциите, месечно да прима околу 2.100 конвертибилни марки (околу 1.000 евра).
Во кабинетот на Додик вработени се 11 советници и еден шеф на кабинет, но покрај Кустурица уште за четворица советници не е наведена областа на советување.