Харадинај: Србија не е за верување

На денешната средба со подмладокот на неговата партија во Бога, во Пеќкиот регион, Харадинај рече дека не верува „во договор за корекција на границата со демаркација и со размена на територии“.

– Сето тоа се маски за поделба на Косово. Сето тоа се маски со цел таму, на другата страна, нивниот шеф на државата (Вучиќ) да каже „јас извлеков се што можев, го признаваме Косово“. Не им верувам и доколку речат „еве, денеска го признаваме“, затоа што тие не ги почитуваат договорите. Кога ќе се изнесе тоа утре во Советот за Безбедност на ОН, пак, ќе ѝ рече на Русија или на некој друг да го блокира Косово, рече косовскиот премиер.

Во таа смисла, тој нагласи дека Белград, спротивно на постигнатите договори, го попречува зачленувањето на Косово во меѓународни организации.

Поради тоа, порача Харадинај, „Косово не смее да оди по тој пат“, односно не смее да прифати разговори за наводни „корекции на границата“.

– Не. Ние се консолидираме, стануваме држава, стануваме повеќе свесни за себе, стануваме по способни, изјави Харадинај.