„Срамен ден за боксот“: Гостиварецот Сефери се откажа пред Фјури

Поранешниот светски шампион во тешка категорија Тајсон Фјури се врати на рингот со убедлива победа по 2,5 години отсуство.

Тој успеа да го победи гостиварецот Сефер Сефери за време на спектакуларна гала вечер во неговиот роден Манчестер.

Средбата, според планот, требаше да трае 10 рунди, но по првите четири, Сефери се откажа и на крајот „Кралот на циганите“ излезе краен победник.

Во третата и четвртата рунда, Албанецот прими многу тешки удари од Фјури и на крајот „ја фрли крпата“.

По успехот над албанскиот боксер, Британецот веќе има биланс од 26 победи (19 со нокаут) и еден пораз на професионалниот ринг.

За Сефери, ова беше втор пораз во неговата кариера, откако има и 23 успеси (21 со нокаут).

Британските медиуми денеска излегуваат со наслови како „Срамен ден за боксот“, „Најголемиот срам во боксот“ и слични конструкции.