Расте бројот на акутно гладни луѓе во светот

Во Глобалниот извештај за прехранбената криза се наведува дека минатата година се регистрирани 124 милиони акутно гладни лица во светот, што значи дека им се загрозени животите.

Извештајот покажува дека бројот на акутно гладни луѓе е зголемен во однос на 2016 година, кога нивниот број изнесуваше 108 милиони лица. Порастот се должи пред се на новите или интензивираните судири во Мјанмар, во Нигерија, во Јемен и во Јужен Судан, како и на сушата што погоди неколку африкански држави.

ОН предуредуваат дека таквата ситуација ќе продолжи и во 2018 година, а се предвидува дека Јемен ќе остане земја во која најмногу недостасува храна.

Глобалниот извештај за прехранбената криза е годишен меѓувладин извештај на агенциите на Обединети нации, Европска унија и организации кои се занимаваат со прехранбена политика. Проектот почна во 2016 година со цел да се промовира поголема кординација помеѓу агенциите.