Проблеми со Фејсбук и Инстаграм ширум светот

Социјаните мрежи Фејсбук и Инстаграм „паднаа“ ширум светот, поради што илјадници огорчени корисници објавија за тоа на Твитер.

Корисниците во јужниот и југоисточниот дел на Англија меѓу првите почнаа да „доживуваат проблеми“. Но подоцна и корисниците во САД, Бразил, Перу, Колумбија, Мексико и делови на Европа, исто така, го споделија својот гнев.

И на двете страници на овие социјални мрежи се појавуваат пораки за грешка при обидот да се вклучат корисниците.

– Упс… Нешто тргна на лошо. Работиме за да ја поправиме грешката што е можно побрзо, гласи пораката на Фејсбук.

Засега не е јасно која е причината за проблемот и колку ќе трае отстранувањето.