(ВИДЕО) Страшна глетка во Лестер по уривањето на хеликоптерот

Хеликоптерот што синоќа се урна веднаш по полетувањето од стадионот „Кинг Пауер“ непосредно по натпреварот меѓу Лестер и Вест Хем, остави страшна глетка.

Медиумите сè уште шпекулираат со информациите кој точно се наоѓал во хеликоптерот, иако повеќето објавија дека внатре бил сопственикот на фудбалскиот клуб Лестер, Вичаи Шриваданапраба, неговата ќерка и уште три лица.

За Шриваданапраба вообичаена пракса била да доаѓа и да си оди од натпреварите на неговиот клуб со хеликоптер. Според очевидци иако хеликоптерот без проблеми полетал, леталото набргу потоа почнало да паѓа и при ударот на земјата веднаш се запалило.

A helicopter owned by Leicester City’s owner crashed and burst into flames seconds after taking off from the King Power Stadium.

Here’s everything we know so far: https://t.co/PGb2HeVT9h pic.twitter.com/lDvtBYnioW

— Sky News (@SkyNews) October 28, 2018

Врз основа на првичните информации хеликоптерот имал проблеми со задниот ротор. Властите најавија дека денеска ќе соопштат детални податоци за инцидентот и за бројот на преживеани и загинати.

По целата драма се јави и легендарниот англиски фудбалер Гери Линекер, кој водеше емисија на Би-Би-Си за синоќешниот инцидент.

„Ова беше најтешката емисија, која сум ја водел во животот. Моите мисли се сите во Лестер. Страшна трагедија. Срцето ми е скршено“, порача Линекер на Твитер.