Жолт аларм: Интензивен дожд и грмежи на западот од Македонија

Управата за хидрометеоролошки работи издаде жолто предупредување за дожд во повеќе региони на Македонија.

„Денеска попладне и во текот на ноќта ќе има повремени локални врнежи од дожд кои наместа ќе бидат поинтензивни. Во западните делови ќе има услови за појава на грмежи“, соопшти УХМР.

И утре ќе има локални врнежи од дожд, особено во јужните делови каде повремено ќе бидат поројни проследени со ретки грмежи.

Во петок и во сабота времето ќе биде стабилно, а во недела попладне, во текот на ноќта кон понеделник и во понеделник претпладне се очекуваат врнежи од дожд, а на планините од снег. Во понеделник ќе дува умерен до засилен северен ветер, кој ќе предизвика опаѓање на температурата.