Затоплувањето на планетата руши рекорди, жешко и во Сибир
И оваа 2020 година, според истражувањата, беше рекордно топла, како најтоплата 2016 година.И, што е најпоразително, Сибир и Арктикот беа меѓу најжешките региони. Топлината ги разгоруваше пожарите што произведоа уште повеќе јаглерод диоксид во атмосферата, а температурите во сибирскиот град Верхојанск во јуни достигнаа рекордни 37 степени, девет степени повеќе од просекот.
Топлината се почувствува и во Европа, која ја имаше својата најтопла година досега и доживеа топли бранови веќе во септември. Површинското ладење на тропскиот Тихи океан, кое започна во втората половина на годината, не направи многу за да ја намали топлината на друго место. Во Централна и Јужна Америка, затоплувањето и сушата резултираа во шумски пожари кои изгореа една четвртина од огромното мочуриште на Пантанал. Во САД, затоплувањето беше најзначајно на североисток и југозапад. Сушата се прошири на половина од земјата.
1880 Глобални просечни температури 2020
Оваа анализа на глобалните температури, објавена од Институтот за вселенски истражувања на НАСА Годард, утврди дека 2020 година била малку потопла од 2016 година, но разликата е незначителна. Со резултатите од 2020 година, последните седум години се најтопли од почетокот на современото водење евиденција пред скоро век и половина. Според научниците, сега се многу јасни основните долгорочни трендови.
„Ние разбираме од каде потекнува затоплувањето. Тоа е поради стаклените гасови што се испумпуваат во атмосферата “, порачаа тие во анализата. Планетата е потопла за повеќе од 1 степен Целзиусов од крајот на 1800-тите, кога ширењето на индустријализацијата доведе до зголемување на емисиите на јаглерод диоксид и други стакленички гасови, а темпото е забрзано во последните децении. Од 1980 година, затоплувањето во просек изнесуваше околу 0,18 степени Целзиусови на декада.
Но, бројките се само мал дел од приказната. Како што предвидоа климатските научници, светот гледа зголемување на топлотните бранови, бури и други екстремни временски услови како што се загрева планетата, но и катастрофи како суши, поплави и пожари. Минатата година не даде одмор, со рекордните пожари во Австралија и Калифорнија и големата суша во Централна и Јужна Америка и американскиот југозапад.