Забранет влез во САД за поранешната претседателка на Аргентина
Соединетите Американски Држави денеска ѝ забранија на Кристина Фернандез де Кирхнер, поранешна претседателка на Аргентина, и поранешниот министер за планирање Хулио Мигел Де Вида да влезат во земјата, поради, како што рече Вашингтон, „вмешаност во значителна корупција“, пренесе Блумберг.
The US government banned former Argentina President Cristina Fernandez de Kirchner and her immediate family members from entering the country due to her corruption conviction https://t.co/N4a9nqlsQX
— Bloomberg Economics (@economics) March 21, 2025
Оваа забрана значи дека Кирхнер и Де Видо, како и членовите на нивните најблиски семејства, немаат право да влезат во Соединетите држави, изјави американскиот државен секретар Марко Рубио, соопшти американската амбасада во Аргентина.
Кирхнер и Де Видо ги злоупотребиле своите позиции организирајќи и финансиска корист од повеќекратните шеми за поткуп кои вклучуваат договори за јавни работи, што резултирало со украдени милиони долари од аргентинската влада, се вели во соопштението.
Повеќе судови ги осудија Кирхнер и Де Видо за корупција, поткопувајќи ја довербата на аргентинскиот народ и инвеститорите во иднината на Аргентина, истакна Рубио.
Соединетите држави ќе продолжат да промовираат одговорност за оние кои ја злоупотребуваат јавната моќ за лична корист, рече Рубио, додавајќи дека овие забрани ја потврдуваат посветеноста на Америка за борба против глобалната корупција на највисоките нивоа на власта, се вели во соопштението.