Второ издание на OUTDOOR & TRAVEL FAIR 2025 во Скопје Сити мол
Во Skopje City Mall, овој викенд, ќе се одржи второто издание на OUTDOOR & TRAVEL FAIR 2025 – саем посветен на авантуристичкиот начин на живот, активностите на отворено, патувањата и откривањето на убавините на нашата земја.
Саемот кој ќе се одржи од 25 до 27 април, претставува прва ваква платформа во земјата, која ги обединува клубовите, здруженијата, федерациите и компаниите посветени на outdoor и travel секторот.
На Outdoor & Travel Fair 2025 посетителите ќе имаат можност да се запознаат со најновите производи, опрема и услуги од областа на планински спортови, кампување, екстремни активности, еко-патувања и уште многу повеќе.
Во рамки на целодневната програма, викендов ќе се одвиваат низа предавања и панел дискусии на главната сцена и работилници и активности низ различни зони во експо просторот на Skopje City Mall.
Во рамките на саемот за посетителите ќе има специјално организиран корнер – Second hand pop-up за размена на половна outdoor опрема, а посетителите ќе може да ги изложат своите користени скии, даски, рамови, суп, кациги и слично.
На главната сцена ќе има презентации и работилници за атлетика во природа, кампинг и врзување јазли, а извидниците ќе организираат игри како џиновска џенга, шаторизација, лаки стрела, корн хол и трка со вреќи. Во официјалната програма се предвидени и панел дискусии за водени спортови како нуркање, кајакарство, SUP и јахтинг. Ќе има и стручни презентации за велосипедизам, како и работилници за одржување на велосипеди. За љубителите на хипи културата ќе има работилница за tie-dye маици. На крајот на саемот, во недела ќе бидат доделени награди за најдобар изложувач и најдобра работилница. Овој настан е вистинска прилика за сите љубители на природа, спорт и авантура да се инспирираат и да ѝ се приклучат на оваа страсна заедницата.
Ве покануваме да ни се придружите на овој возбудлив настан на истражување, инспирација и поврзување на саемот Outdoor&Travel на Скопје Сити Мол.