(Во живо) Инаугурација на Трамп – Бајден го пречека во Белата куќа: „Добредојдовте дома“
Доналд Трамп денеска ќе положи заклетва како 47-ми претседател на САД, отворајќи уште еден турбулентен четиригодишен мандат со ветувања дека ќе ги помести границите на извршната власт, ќе депортира милиони имигранти, ќе обезбеди одмазда против неговите политички непријатели и ќе ја промени улогата на САД на светската сцена.
Церемонијата ќе се одржи во 18 часот по наше време во ротондата на американскиот Капитол, четири години откако толпа приврзаници на Трамп упаднаа во Капитол во неуспешен обид да го спречат поразот на републиканецот Трамп од демократот Џо Бајден во 2020 година.
🇺🇸 Donald Trump is being inaugurated as the 47th US president today in Washington DC 🇺🇸
Watch live as the inauguration events begin ⬇️https://t.co/Iw4Pcav2Fk https://t.co/14qmTT5in1
— Sky News (@SkyNews) January 20, 2025
Заклетвата беше преместена во затворен простор за прв пат по 40 години поради екстремниот студ. Свечената инаугурација, која вообичаено се одржува надвор од Капитол, беше преместена внатре поради големиот студ. Се очекува температурите да се спуштат до -11°C.
По полагањето заклетва, Трамп ќе ѝ се обрати на нацијата, а потоа ќе маршира низ градот до Белата куќа.
На инаугурацијата се очекуваат околу 200.000 негови поддржувачи.
Нешто пред 12 часот по локално време (18 ч. по наше време), поточно во 11.47 часот, Трамп ќе положи заклетва, а ќе му претходи Џ. Венс, новиот потпретседател на САД.
Бајден и неговата сопруга Џил, како и Камала Харис, поранешниот потпретседател и личноста што Трамп ја победи во ноември, ќе присуствуваат на овие настани, заедно со другите живи американски претседатели Бил Клинтон и Барак Обама.