Во велешките села Иванковци и Кумарино забранета водата за пиење од селските водоводи

Општина Велес ги известува жителите на селата Иванковци и Кумарино дека согласно решение издадено од Агенција за храна и ветеринарство, се забранува водата за пиење од селски водоводи во селата Иванковци и Кумарино. На неколку локации во овие две велешки села  е поставено предупредување „Водата не е за пиење“. 

Поради утврдена неправилност, водата не смее да се користи за пиење, сè до укинување на забраната од Агенцијата за храна и ветеринарство. Забраната е издадена  врз основа на анализите на вода направени од стручни екипи на ЈЗУ Центар за јавно здравје Велес.

Од Оптшина Велес ги повикуваат жителите  доследно да ја почитуваат изречената забрана и да постапуваат согласно насоките на надлежните институци.