Во сообраќајка тешко повредена млада битолчанка

Жена на возраст од 28 години од Битола е тешко повредена во сообраќајка што се случила доцна синоќа во Битола.

– На 30.07.2023 во 22.44 часот во СВР Битола било пријавено дека на крстосницата од ул.„Филип Втори Македонски“ и ул.„Батаљон Стив Наумов“ во Битола се случила сообраќајна несреќа помеѓу патничко возило „шевролет авео“, управувано од Н.П.(20) од Битола и патничко возило „бмв“, управувано од Л.М.(28) од Битола, двете со битолски регистарски ознаки.

Во несреќата, Л.М. се здобила со тешки телесни повреди, додека сопатникот Д.Ј.(35) од Битола се здобил со телесни повреди, констатирани во Клиничка болница Битола, информираа од полицијата.

Увид на местото извршила увидна екипа на СВР Битола.