Во израелските напади низ Газа загинаа најмалку 104 Палестинци

Најмалку 104 Палестинци, вклучувајќи 37 во близина на точките за дистрибуција на помош во Рафа, беа убиени во израелските напади низ Газа денеска, објави Ал Џезира.

Израелските одбранбени сили (ИДФ) претходно денеска соопштија дека „испукале предупредувачки истрели“ кога Палестинците се приближиле до центарот за дистрибуција на помош во Газа „на начин што им се заканувал на силите“ преку ноќ, објави „Тајмс оф Израел“.

Откако Агенцијата за цивилна одбрана во Газа, предводена од Хамас, објави дека 26 Палестинци се убиени, а повеќе од 100 се ранети во близина на точката за дистрибуција на помош на Хуманитарната фондација Газа (ГХФ) во Рафа, израелската војска соопшти дека е свесна за извештаите за жртви откако нејзините војници испукале предупредувачки истрели.

Во соопштението се вели дека израелската армија ги повикала Палестинците да се „дистанцираат“ пред да ги испукаат истрелите.

ИДФ соопшти дека е „свесна за извештаите за жртви“ и дека инцидентот се истражува дополнително.