Во гаражата „Беко“ отстранети осум службени возила кои подолго стоеле таму
Службите на „Градски паркинг“ од гаражата „Беко“ во центарот на Скопје, отстраниле повеќе службени возила кои подолго стоеле таму и не се користеле, а забележале и дека 24 паркинг-места се „резервирани3 за непознати лица.
„Акцијата се изврши со цел да се ослободат повеќе паркинг места. Имено, во наведената катна гаража, на кат -1, подолг временски период беа паркирани сужбени возила кои не се користат и непотребно зафаќаа 12 означени паркинг места. Исто така, имаше и 24 паркинг места кои до сега од непознати причини беа „резервирани“ за непознати корисници, а паркирање на тие места не беше дозволено. Со акцијата се ослободија вкупно 36 паркинг места и се ставија во функција на корисниците. Воедно, службите на претпријатието извршија машинско чистење на кат -1 со што целосно се отрани насобраниот смет“, соопштија од ова јавно претпријатие.
Катната гаража Беко е лоцирана на ул.„Даме Груев“ во строгиот центар на градот и располага со вкупно 605 паркинг маста, организирани на два ката подзено ниво и шест ката надземно ниво.
Од вкупниот број паркинг места, 16 се резервирани за лицата со попреченост и три за родители со мали деца, сите соодветно обележани со хоризонтална сигнализација. Паркинг местата за родители со мали деца се наоѓаат на кат -1, а паркинг местата за лицата со попреченост се соодветно распределени по катови. Исто така, на кат -1 поставен е еден електричен полнач со два излеза за електрични автомобили. Полнењето и паркирањето за време на полнењето на електричните автомобили е бесплатно.
Цената за час паркирање во катната гаража изнесува 30ден., а услугата паркирање на месечно ниво за вработени, физички и правни лица изнесува 2.000 ден. Доколку заинтересираните корисници од категориите физичко и правно лице склучат договор на годишно ниво и извршат еднократна уплата за цела година, цената изнесува 20.000 ден.
От „Градски паркинг“ апелираа до граѓаните да се грижат за хигиената на паркиралиштата и да не ги паркираат своите возила на обележаните паркинг места за лицата со попреченост и за родителите со мали деца. Исто така апелира граѓаните да ги користат и паркоматите за плаќање, како и кога плаќаат паркинг да ги оставаат автомобите на нивното паркинг место, а не пред излезните рампи. Со тоа ќе се спречи метежот пред излезот и ќе се овозможи слободен проток на возилата.