Владата неочекувано го повлече законот за рестриктивни мерки

Откако Владата на една од последните седници под претседателство на Димитар Ковачевски едногласно го усвои предлог-законот за рестриктивни мерки поврзан со лицата кои се на црните листи на САД и Велика Британија, сегашниот владин кабинет го повлече од собраниска процедура од „административни причини“.

„Предлогот на закон за изменување и дополнување на Законот за рестриктивни мерки, поради изборот на новата влада административно оди на ново одобрување на наредната владина седница и ќе биде доставен до Собранието“, соопштија од Владата.

Надлежен орган за поднесување на овој закон е Министерството за надворешни работи. Дали се работи само за „административни причини“ или е нешто друго засега не е познато.

Движењето Беса реагираше веднаш по оваа информација велејќи:

„Талат Џафери го повлече законот со кој треба да се казнат сите оние функционери и бизнисмени на владата на СДСМ – ДУИ, кои Соединетите Американски Држави ги ставија на црната листа поради нивната вмешаност во финансиски криминал, главно со злоупотреба на позициите и се збогатија на грбот граѓаните.

Многу бргу на ДУИ им паднаа маските. На виделине е фактот дека техничкиот премиер Талат Џафери решил технички да ги спаси криминалците потврдени и од САД“.