(Видео) Поплави во Австралија, градот ќе се евакуира. Крокодил плива низ улиците
Реекордна количина на врнежи е причина за огромните поплави во Австралија, на крајниот север на Квинсленд. Властите наведуваат дека ова е најлошата поплава некогаш забележана во Австралија, а на улиците дури е забележан и крокодил, пишува Би-би-си.
Екстремните временски услови предизвикани од тропски циклон фрлаат годишно количество дожд во некои австралиски области. Фотографиите објавени на социјалните мрежи покажуваат потонати авиони на аеродромот Кернс, крокодили среде градот и луѓе кои бегаат од своите домови со чамци.
Засега нема извештаи за загинати или исчезнати лица. Интензивни врнежи се очекуваат во следните 24 часа.
Peak Aussie content here 🐊 A big crocodile has been spotted in a swollen drain in the centre of Ingham, a North Queensland town currently cut off by floodwaters. Filmed by @abcnews reporter @ChloeChomicki, who is isolated like everyone else in town. pic.twitter.com/LSg5ODkpIF
— Siobhan Heanue (@siobhanheanue) December 17, 2023
Градоначалникот: Ова е најлошата природна катастрофа што можам да ја паметам
Стотици луѓе се спасени – многу куќи се поплавени, нема струја, патиштата се отсечени, а водата за пиење е при крај. Од почетокот на невремето во градот Кернс наврна повеќе од 2 метри дожд.
„Ова е најлошата природна катастрофа на која можам да се сетам. Разговарав со локалното население во Кернс кога бев на теренот и тие велат дека никогаш не виделе такво нешто“, изјави премиерот на Квинсленд, Стивен Мајлс за австралиската радиодифузна корпорација.
Cairns Airport Inundated
A Perth-Cairns Jetstar flight filled with Christmas travellers was stranded in Townsville this morning due to severe rain over Cairns Airport, and was eventually one of the last to be allowed in. See the planes under water.#CycloneJasper pic.twitter.com/AYYuDSebLB
— 🇦🇺 Leera 🧐☀️🌌 🕉 (@OutbackAussie5) December 17, 2023
Целиот град треба да се евакуира
Мајлс вели дека приоритет во моментов е да се спасат граѓаните заробени во поплавата, како оние во оддалечениот град Вујал Вујал, кој се наоѓа на 175 километри северно од Кернс.
Девет лица, меѓу кои и едно болно дете, ја поминаа ноќта на покривот на болницата, откако екипите на итната помош не можеа да дојдат до нив. Денеска беа преместени на друго место. Мајлс истакнува дека сега ќе треба да се евакуира целиот град.
„Загрижени сме за вода за пиење, канализација, струја и телекомуникации, патишта… Многу патишта се блокирани и не можеме да добиеме воздушна поддршка“, вели градоначалникот Мајлс.
Реките допрва треба да го достигнат врвот
Синоптичарите соопштија дека обилните врнежи од дожд ќе продолжат поголемиот дел од понеделник и ќе се совпаднат со плимата и осеката, што претставува опасност за ниските заедници, јавува Би-би-си.
Иако се очекува утре да престане да врне, реките допрва треба да го достигнат врвот и со денови ќе бидат надојдени. Се очекува неколку реки да ги соборат рекордите поставени за време на големите поплави во 1977 година. Реката Дејнтри веќе го надмина претходниот рекорд за 2 метри, откако за 24 часа паднаа 820 мм дожд.
Владините претставници проценуваат дека штетите од катастрофата ќе надминат 1 милијарда австралиски долари или 670.000 американски долари.
Серија катастрофи во Австралија
Источна Австралија е зафатена од чести поплави во последните години, а тука е и Ел Нино, кој обично се поврзува со екстремни настани како што се циклони и пожари.
Австралија беше погодена од серија катастрофи во последниве години – тешка суша и историски пожари, последователни години рекордни поплави и шест масовни настани на белење на Големиот корален гребен.
Последниот извештај од Меѓувладиниот панел на ОН за климатски промени (IPCC) предупредува дека иднината на Австралија ќе биде преплавена со катастрофи кои постојано се влошуваат доколку не се преземат итни мерки за запирање на климатските промени.