(Видео) Нереални сцени во Шпанија: Луѓе заробени во автомобили, апел – „Не излегувајте!“
Засега нема официјални извештаи за повредени или смртни случаи, но штетата е веќе голема
Ненадејните поплави предизвикани од обилните дождови предизвикаа хаос во североисточниот шпански регион Каталонија, каде што властите велат дека голем број луѓе се заробени во своите возила.
🚨 Alcanar Platja, Montsià in Catalonia, Spain at the moment…👀pic.twitter.com/gt6eKGxxS0
— Volcaholic 🌋 (@volcaholic1) October 12, 2025
На социјалните мрежи се појавија драматични снимки на кои се гледаат порои од валкана вода како се слеваат по улиците на градовите Ла Рапита и Санта Барбара во покраината Тарагона, буквално уништувајќи сè на својот пат.
Catalonia in Spain today.
When do we start banning people who deny climate change from public office? pic.twitter.com/lMmn2QYtoB
— Brendan May (@bmay) October 12, 2025
Шпанската национална метеоролошка агенција AEMET прогласи највисоко ниво на црвена тревога за крајбрежниот регион, додека каталонската цивилна заштита ги повика луѓето да останат во своите домови, особено во делтата на Ебро.
Santa Bàrbara, Montsià, Catalonia, Spain today. pic.twitter.com/7VRcxVfbJG
— Weather Monitor (@WeatherMonitors) October 12, 2025
„Ситуацијата е сериозна и прогнозите предвидуваат повеќе врнежи од дожд“, изјави Кристина Висенте од AEMET, според La Vanguardia.
Метеоролозите предупредуваат дека до 180 милиметри дожд би можеле да наврнат за само 12 часа, ниво што предизвикува големи поплави во овој дел од Шпанија.
Whoahh! This was the Serra Grossa de Godall at the Hermitage of La Pietat in Ulldecona, Montsià, Catalonia, Spain, this afternoon.pic.twitter.com/25LxKOe2Ys
— Volcaholic 🌋 (@volcaholic1) October 12, 2025
Засега нема официјални извештаи за повредени или смртни случаи, но штетата е веќе голема.
Поради лоши временски услови, сите поаѓања на возови од Барселона и Валенсија по медитеранскиот коридор, кој ги поврзува крајбрежните градови, се суспендирани.