Велика Британија ќе го намали ДДВ во угостителскиот сектор

Британскиот министер за финансии Риши Сунак планира привремено да го зголеми данокот на имот и да го намали данокот на додадена вредност (ДДВ) во угостителскиот сектор.

Сунак новите мерки за обнова на британската економија ќе ги претстави в среда. Прагот на данокот на имот во Велика Британија во моментот изнесува 125.000 фунти, а предвидено е зголемување на половина милион фунти. Со таа мерка, која може да остане во сила една година, најпогодени ќе бидат купувачите на станови.

Додека со привременото намалување на ДДВ за угостителскиот сектор ќе бидат опфатени пабовите, рестораните и кафулињата и мерката треба да придонесе за зачувување на 2,4 милиони работни места во угостителскиот и туристичкиот сектор, чии претставници преку отворено писмо побараа помош од британскиот премиер Борис Џонсон.

Британската економија, која е петта во светот, во април поради пандемијата со Ковид-19, забележа пад од 20 проценти.