Ужас во Хонгконг, горат облакодери: Загинаа најмалку четворица (видео)
Најмалку четири лица загинаа во пожар што зафати неколку станбени згради во Хонгконг.
Снимките покажуваат пламен и чад што се издигаат од кулите, каде што се верува дека се заробени неколку луѓе.
Се верува дека пожарот се проширил низ бамбусовите скелиња од надворешната страна на зградите, а службите за итни случаи се на местото на настанот.
🇭🇰 HONG KONG : Plusieurs immeubles d'un complexe résidentiel de grande hauteur sont en train d'être ravagés par un spectaculaire incendie dans le district de Tai Po. Au moins quatre morts dont un pompier. Les secours ont reçu de nombreux témoignages de personnes piégées. Le feu… pic.twitter.com/f87hcwh8qg
— Infos Françaises (@InfosFrancaises) November 26, 2025
Противпожарната служба објави дека во 14:51 часот по локално време добила пријава дека избувнал пожар во зграда во населбата Ванг Фук Корт. Во 15:34 часот алармот е подигнат на ниво 4.
Ванг Фук Корт е станбен комплекс кој се состои од осум блока, кои нудат близу 2.000 станбени единици. Неколку кули околу запалената кула имаат бамбусови скелиња на нивната фасада.
Засега не е познато како започнал пожарот, како и информации за тоа колку луѓе се наоѓаат во зградите.