Успеаја во 11-то гласање: Бугарија доби претседател на Собрание
Конечно, по 10 неуспешни обиди, бугарскиот парламент успеа да избере спикер. На чело на Националното собрание со 140 гласа „за“ е избрана кандидатката на БСП, Наталија Киселова. Таа е правник, експерт по уставно право и предавач на Универзитетот во Софија.
Во првото гласање беа номинирани и Атанас Атанасов (ПП-ДБ) и Петар Петров („Преродба“). Сепак, најмногу гласови собраа Киселова и Кирилов.
Изборот на претседател на бугарскиот парламент доаѓа месец и пол по последните предвремени избори, а Народното собрание се уште е на првата седница. За тоа време беа направени десет неуспешни обиди за избор на претседавач. Работата на парламентот и натаму е блокирана, а без претседавач не може да се закажат ниту нови предвремени избори.