Трамп на твитер: „Ви благодарам господине претседател“
Вашингтон – Американскиот претседател Доналд Трамп денеска на твитер објави благодарница до самиот себе, наведувајќи дека целиот свет им завидува на САД и на приказната за успехот на Волстрит.
„На нашата држава ѝ завидува целиот свет. Ви благодарам господине претседател“, твитна Трамп.
Со таа порака тој објави и твит од официјалниот налог на Белата куќа каде пишува дека во средата трите главни американски берзански индекси имале рекордни резултати.