Трамп ја објави кандидатурата на САД за Експо 2035: Илјадници работни места, милијарди долари економски раст

Претседателот на САД, Доналд Трамп, јавно објави дека САД имаат намера да се кандидираат за домаќин на Светскиот саем Експо 2035 во Мајами, Флорида. Трамп ја претстави иницијативата како еден од клучните проекти на неговата политичка агенда и како важен чекор кон, како што рече, „златното доба на Америка“.

Во објава на социјалната мрежа Truth, Трамп нагласи дека Експо 2035 во Мајами ќе биде следната голема глобална пресвртница, со потенцијал да донесе илјадници нови работни места и да придонесе милијарди долари во американската економија. Тој го назначи државниот секретар Марк Рубио за координатор на целиот проект, што јасно ја покажува важноста што ја придава на овој настан.

Трамп го постави Експото покрај главните глобални настани што Америка веќе ги обезбеди – Светското првенство во фудбал во 2026 година, Олимписките игри во Лос Анџелес во 2028 година и самитите на Г20 и Г7. Со други зборови, според неговата визија, Експото претставува настан од највисоко политичко, економско и симболично значење.