Тинејџерот кој го следеше авионот на Маск сега има нови „мети“ – руските олигарси и Путин
Компјутерскиот ентузијаст претходно објасни дека неговиот бот не користи никакви приватни или недостапни податоци за авиони, туку јавно достапни податоци кои можат да се најдат на интернет
Џек Свини е американски тинејџер, компјутерски ентузијаст, кој се најде во центарот на вниманието на јавноста откако создаде неколку профили и ботови за нив на Твитер за да објавува речиси во реално време каде се приватните авиони на познати личности од технолошкиот свет.
На неговиот „радар“ се најдоа Илон Маск, Бил Гејтс, Џеф Безос, но и некои други познати и многу богати луѓе.
Но, се чини дека Свини најде нова цел. Тој отвори нов профил на Твитер чија единствена цел е да ги следи приватните авиони на руските олигарси. Како што објасни за Bloomberg News, тој го создаде профилот „Russian Oligarch Jets“ откако започна руската инвазија на Украина, а светот започна со санкции против Русија.
„Russian Oligarch Jets“ на тој начин ги следи хеликоптерите и приватните авиони на познатите руски милијардери, меѓу кои Роман Абрамович (сопственик на фудбалскиот клуб Челси), Олег Дерипаска (кој беше на чело на неколку енергетски компании во Русија) и Вагит Алекперов (претседател на „Лукоил“).
Неверојатно е какви авиони имаат овие луѓе, изјави Свини за Блумберг, истакнувајќи дека богатите Руси најчесто избираат големи авиони, како што се Ербас А319 и Боинг 737.
Tracking all of the following. pic.twitter.com/cUW5rwS0el
— Russian Oligarch Jets (@RUOligarchJets) February 27, 2022
За само неколку дена, Твитер профилот на Свини привлече повеќе од 97.000 следбеници, но тој не застана тука.
Тој отвори специјален профил за следење авион кој би можел да го користи рускиот претседател Владимир Путин. Наречен „Путин Џетс“, како што напиша Свини, ги следи руските авиони што ги користат руските високи личности и кои Путин може да ги користи за своите патувања.
За само два дена овој профил привлече повеќе од 20.000 следбеници, иако досега има само две објави – една во која се наведува кој авион го следи и една за авионот што полетал во близина на Москва.
Tracking the following Russian VIP jets RA-96012, RA-96016, RA-96017, RA-96014, RA-96018, RA-96019, RA-96020, RA-96022, RA-96023, RA-96021, RA-96024.
— Russian VIP & Putin Jets (@PutinJet) February 25, 2022
Свини претходно објасни дека неговиот бот не користи никакви приватни или недостапни информации за авиони, туку јавно достапни податоци кои можат да се најдат на Интернет.
Откако неговиот профил кој го следеше Елон Маск го привлече вниманието на јавноста, Маск прво му понуди пари за да престане да го следи, за на крајот да преземе одредени технички мерки за да го отежне неговиот приватен авион. Потешко, но како што напиша Свини, не е невозможно.