Светски познатиот Баришников собира донации за Украина

Писателот Борис Акунин, балетанот Михаил Баришников и економистот Сергеј Гуриев ја поставија платформата Вистинска Русија за собирање донации за Украина и веќе на неа има над 77.000 фунти. Во оваа прилика Акунин на својот Фејсбук профил објави апел до сите Руси ширум светот да помогнат да се запре криминалната војна на диктаторот Путин.

-Државата „Руска федерација“, во која власта ја презеде диктатор, започна криминална војна. Ова е удар за сите нас, луѓето кои припаѓаат на руската култура и зборуваат руски. Самиот збор „руски“ стана токсичен во очите на светот, напиша Акунин.