Странци масовно купуваат имот во Грција, на Миконос до 10.000 евра квадрат

Странците се многу заинтересирани за купување недвижен имот на грчките острови. И покрај високите цени, клиентите не престануваат да инвестираат во Грција, велат од агенциите за недвижности кај нашиот јужен сосед.

Британците, Французите и Италијанците сакаат да добијат станови на островите, а бараат и вили за изнајмување. Туристичката сезона таму е долга, што им гарантира на станарите и приходи, велат странците кои прават купопродажни договори. Побарувачката за куќи во градба или готови куќи на островите Тинос, Андрос, Сирос е зголемена.Островите Родос, Кефалонија и Закинтос се најинтересни за Грците кои живеат во странство и инвестираат во недвижен имот.Санторини и Миконос се за клиенти со високи барања и финансиски можности.

Агенцијата за недвижности известува дека на Миконос луксузните имоти се движат од 6 до 8 илјади евра за метар квадратен, а неодамна клиент купил луксузна вила по цена од 10 илјади евра за метар квадратен.

За време на пандемијата, странци поминувале повеќе од една година на грчките острови – уште една причина сега да сакаат да инвестираат таму.