Средба на читателите со авторката на наградениот роман „Некој бил тука“

20/04/2019 08:42
Николина Андова-Шопова која за книгата „Некој бил тука“ ја доби наградата „Роман на годината 2018“ од Фондацијата „Славко Јаневски“, денеска од 12 до 14 часот во книжарницата „Или-или“ ќе има неформална средба со читатели и ќе потпишува примероци од наградениот роман.

-„Некој бил тука“ е психолошки убедлив и вознемирувачки длабок роман, го лови моментот кога болката станува лудило и смрт. Овде ќе сретнете мртви риби со ококорени очи, во ќеса, спремни за чистење, безглави кокошки што летаат, турпија во прашина, отров во плико… – смртта демне на сите страни во романов. Обеспокојувачка драма раскажана на зачудувачки поетичен и смирен начин, вели Никола Гелевски, уредник на книгоиздателството „Темплум“.

Ова е прв роман на Андова-Шопова, која досега објавувала поезија, хаику и раскази. Во 2013 година ја објави првата поетска книга „Влезот е од другата страна“, а втората стихозбирка „Поврзи ги точкитe“ беше објавена во 2015 година.

Поврзани содржини

Започнува конзервацијата на вредното сликарството од византискиот период на „Св. Ѓорѓи“ во Старо Нагоричане
Новогодишен концерт на учениците од ДМБУЦ „Илија Николовски-Луј”
Традиционалниот концерт за Василица во НОБ со гости од Шпанија
Премиера на претставата „Фамилијата Адамс“ во Драмски театар Скопје
Промоцијата на книгата „Ретки птици“ од публицистот и музички новинар Ненад Георгиевски
Промоција на книгата „Многуимените Други“
Обама ја објави традиционалната листа на омилени филмови, книги и песни на годината
Новогодишна музичка претстава за деца „Трите самовили го бараат Дедо Мраз“ во „Литература.мк“ во „Дајмонд мол“

Најчитани