Собранието ја формираше Анкетната комисија за трагедијата во Кочани и другите несреќи

03/12/2025 15:29

Денес, со 84 гласа „за“, без ниту еден против или воздржан, на предлог на ВМРО-ДПМНЕ, ВЛЕН и ЗНАМ, Собранието ја формираше Анкетната комисија за утврдување на околностите за трагедијата во Кочани и другите несреќи и трагедии во Македонија, извести Бране Петрушевски, пратеник од редовите на ВМРО-ДПМНЕ.

„Целта е јасна: расветлување на пропустите, утврдување одговорност каде што постои и унапредување на системите што треба да ги штитат граѓаните“, рече Петрушевски.
 
Пратеникот од редовите на ВМРО-ДПМНЕ, Антонијо Милошоски рече дека Анкетната комисија има за цел да се утврдат сите пропусти за трагедиите во изминатиот период кои резултираа со човечки жртви, со што добиените наоди понатаму би биле испратени до Владата и до Јавното обвинителство за да се лоцира доколку има политичка и кривична одговорност.

 
„Оваа Анкетна комисија се поднесува заради сериозноста на последиците на трагедиите кои се случија последните неколку години, несреќата во дискотеката во Кочани, несреќата на Беса транс, Модуларната болница во Тетово и несреќата на Дурмо Турс кај Ласкарци. Целта на ваквата Анкетна комисија е да се разгледуваат сите пропусти и сметам дека овие трагедии коишто со човечки животи ги платија недолжни луѓе имаат заеднички именител кај сите четири трагични несреќи се забележува сплет на пропусти на многу институции, нефункционалност на добар дел од системот и раководители на одредени институции коишто создале една опасна замка за сите четири несреќи во којашто замка за жал ненадоместливо имавме загуба на 138 човечки животи. Целта е исто така било кои наоди што ќе се добијат да бидат испратени до Владата и до ЈО, кои можат да помогнат во лоцирањето на политичка одговорност и кривична одговорност“, рече Милошоски.
Претходно лидерот на СДСМ Венко Филипче објави дека тие ќе ги поддржат и анкетната комисија за сите трагедии иницирана од власта,м и посебна само за Кочани, иницирана ид нив и Левица.

 

„Ние ќе ги поддржиме двете анкетни комисии. Едната којашто ја предлага владеачкото мнозинство каде сакаат да се дискутира за сите трагедии во минатото, меѓутоа сметам дека имаме обврска да организираме и посебна Анкетна комисија само за трагедијата во Кочани. Поради тоа што мора да имаме одговорност пред општеството, пред државата. Тоа е пред се на барање на родителите, на загинатите и повредените деца. И апелирам сега до сите пратеници да го поддржат формирањето и одржувањето на таа анкетна комисија само за трагедијата во Кочани, изјави Филипче.

„Рековме немаме проблем ќе гласаме и ќе ја поддржиме и иницијативата на ВМРО-ДПМНЕ и владеачката коалиција во којашто сака да се разговара за сите трагедии претходно. Во јавноста излегоа повеќе луѓе, ги коментираа овие иницијативи, правници и така натаму. Легитимни се нивните ставови. Треба да се земе предвид дали има, дали нема судски процеси, каде се завршени.  Имаме ние пред се и морална обврска пред сите луѓе коишто ова го бараат од нас. Мора да се слушне гласот во Собранието на луѓето чиј што е ова практично дом. Тоа се сите граѓани во конкретниот случај родителите на загинатите и повредените деца коишто ова го бараат од нас. Очекувам од сите пратеници да ја поддржат анкетната комисија за несреќата во Кочани како што сите ние ќе ја поддржиме и таа друга анкетна комисија којашто тие ја предлагаат“, истакна Филипче.

 

Поврзани содржини

ДЗР: Од 2018 година со Државниот инспекторат за градежништво раководат В.Д. директори
Речиси два пати помалку бебиња во 2024 отколку пред шест децении, стапката на фертилитет во ЕУ 1,34, во Македонија 1,44
Третата група македонски државјани евакуирани од Блискиот Исток слета во Приштина
Почнува реконструкција на спортската сала во кампусот на УКИМ во Скопје
Комеморативна седница во Собранието за годишнината од трагедијата во Кочани
Светски ден на бубрегот 2026: „Бубрежно здравје за сите: Грижа за луѓето, заштита на планетата’’
Сончево и топло, наутро – 4 степени, преку ден до 21
Утре без струја неколку скопски улици во Ѓорче, Карпош и во Козле

Најчитани