Со нож избодел психијатар во Црна Гора затоа што не му издал дозвола за оружје

Црногорската полиција денеска го уапси шеесет и петгодишниот Д.В., жител на Пљевља, град на северот на Црна Гора, бидејќи со нож нападнал и повредил лекар невропсихијатар кој не сакал да му издаде потврда за носење оружје. 

Како што изјави за црногорските медиуми директорот на Општата болница во Плевља, Саша Грбовиќ, доктор Илхан Турсумовиќ се здобил со убодна рана во пределот на стомакот и расекотини на рацете и градниот кош.

Животот на Турсумовиќ не е во животна опасност и моментално му е укажана лекарска помош“, изјави Грбовиќ.

Го избодел со нож
Според неофицијални информации Д.В. нападнал невропсихијатар бидејќи лекарот одбил да потпише лекарско уверение за носење оружје ден претходно.

Инцидентот го потврди и црногорската полиција која преку соопштение наведува дека Д.В. „најпрво физички, а потоа со употреба на ладно оружје, нож нападнал лекар во Општата болница Пљевља и го повредил во пределот на градниот кош.

Според статистиката на црногорското Министерство за здравство од август, дури 11 отсто од црногорските медицински работници од почетокот на годинава биле изложени на физички напади. Исто така, истото истражување покажало дека дури 95 отсто од лекарите од итната медицинска помош доживеале вербален напад.