Синот на Аки Рахимовски го посети гробот на Тоше

31/01/2022 19:25

Кристијан Рахимовски, синот од првиот брак на неодамна починатиот легендарен пејач на „Парни ваљак“ Аки Рахимовски , денеска во Крушево го посети гробот на Тоше Проески, објави на Фејсбук крушевскиот градоначалник, Томе Христоски.

Рахимовски вчера пристигна во Скопје и изјави дека посетата е од приватен карактер, да ги посети баба си и роднините. Во Македонија доаѓа по 35 години.

-Со Министерката за култура Бисера Костадиновска Стојчевска и синот на покојниот Аки Ракимовски во посета на спомен куќата „Тодор Проески“. Заедно положивме свеќе на гробното место на Тоше и оддадовме почит на големиот пејач, а не изоставивме да поразговараме и за Аки Ракимовски кој го почитуваше нашиот Тоше и постхумно посвети неколку песни.
Ја искористив приликата да иницирам до министерката за култура 25-ти јануари да стане Ден на хуманоста на национално ниво.
При посетата на галеријата Никола Мартиновски разговараваме за тековните проекти, тековните проблеми, а во галеријата ќе се вратат две слики од уметникот кои претходно биле отстранети.
Заедно со министерката за култура се согласивме дека помошта од Министерството сега е многу поголема, особено за Манифестацијата НКС „Десет дена Крушевска Република“ и објектите од историско значење, напиша на Фејсбук, Христоски.
 

Александар „Аки“ Рахимовски е роден во Ниш, Југославија, на 5 јуни 1955, но за брзо време се преселува во Скопје. Неговиот татко бил музички професор со што на седум години тој започнал да учи во музичко училиште за клавир и пеење.

Како тинејџер бил член на неколку состави меѓу кои се групите „Вакуум”, „Крвни браќа” и познатата „Тор” со кој настапи на фестивал во Загреб во 1975 година. Во соработка со менаџерот Владимир Михаљек – Мих го формираат првиот состав на „Парни ваљак”.

Поврзани содржини

Влатко Стефановски со јубилеен концерт за паметење во Загреб, ова беа специјалните гости
Номинираните за „Златен глобус“ 2025 ќе добијат вредни подароци од милион долари
Северина најскапо платена, а Розга најмногу во 2024
МТВ ќе снима игран филм, документарец и ТВ-серија  за Тоше Проески
Што му е на Владо Јаневски?: Концертот од декември се одложува напролет
Бразилски судија нареди песна на Адел да се повлече на глобално ниво
Славната манекенка Адријана Лима тајно се омажи по втор пат
Матие Блази е новиот креативен директор на Шанел

Најчитани