Штаб на Пендаровски: ВМРО-ДПМНЕ да каже дали стои зад ботовите кои шират говор на омраза
Од медиумскиот штаб на претседателскиот кандидат на СДСМ, Стево Пендаровски, бараат ВМРО ДПМНЕ да се изјасни дали стои зад повеќе од 200 ботови на мрежата Икс кои секојдневно шират говор на омраза.
„Реториката што ја користат овие профили потсетува на реториката на ВМРО-ДПМНЕ со која, во недостиг на аргументи, партијата неосновано го напаѓа претседателот Стево Пендаровски. На истите профили се забележува и силна поддршка за партијата ВМРО-ДПМНЕ. Истите овие профили години наназад шират антиалбански и антизападни ставови.
Иако од ВМРО-ДПМНЕ тврдат дека нема да водат црна кампања против претседателот Пендаровски, сепак секојдневно објавуваат манипулативни видеа во коишто се извадени од контекст изјавите на претседателот Пендаровски, речиси идентични како и во објавите на мрежата Икс. ВМРО-ДПМНЕ на јавноста треба да ѝ одговори дали стои позади овие профили и дали на социјалните мрежи токму тие се автори на црната кампања против претседателот Пендаровски.
Лицемер? Стево Пендаровски од Водно 😂 pic.twitter.com/JefhmNwjEc
— Бемка (@B1PcG6cyiRrcoTr) March 10, 2024
Инаку, тврдењето на ВМРО–ДПМНЕ дека нема да води црна кампања го сфаќаме како лоша пародија, имајќи предвид дека тоа е истата партија која бесрамно вршеше цензура, партија во чие владеење се затворија најголемите медиуми и беше забележан најголем пад во слободата на медиумите“, стои во реакцијата на изборниот штаб на Пендаровски. Инаку говорот на омраза е кривично дело во Македонија.
📌 Лабилниот Пендаровски
(13.окт.2020)👇 “…ван памет..” pic.twitter.com/m3hAGRenYl— Antonio Macedonian (@AMiloshoski) March 7, 2024