Се урна ловец „МиГ-29“ на српската армија: загина пилотот


 

Пилотот загинал при падот на борбениот авион „МиГ-29“ на српската армија, кој се урна утрово на поле помеѓу Нова и Стара Пазова, јавуваат српските медиуми.

Смртта на пилотот ја потврди Радио телевизија на Србија (РТС). Неговото име засега не е познато.

Според РТС, авионот припаѓал на 204-та воздухопловна бригада, стационирана на аеродромот Батајница во близина на Белград.

На местото на несреќата се наоѓаат припадници на српските вооружени сили, полицијата и воената полиција, пожарникари и екипи на брза помош.

Министерството за одбрана на Србија не даде официјална изјава до објавувањето на оваа вест, а нема и официјални информации за причината за падот.