Русија: Украина ги интензивира нападите врз енергетската инфраструктура и покрај мораториумот

 Министерството за одбрана на Русија денеска ја обвини Украина дека вчера извршила 14 напади врз локации на руската енергетска инфраструктура, и покрај мораториумот со посредство на САД на нападите врз такви објекти.

Нападите предизвикаа штета во регионите Брјанск, Белгород, Смоленск, Липецк и Воронеж, како и во украинските региони Луганск и Керсон, чии делови се под контрола на Москва, се вели во соопштението.

„Од утрото во петокот, на 4 април, режимот во Киев, спротивно на сите изјави и заложби на (украинскиот претседател Володимир) Зеленски на американската страна за запирање на нападите врз руските енергетски објекти во период од 30 дена, постојано го зголемува бројот на еднострани напади со помош на беспилотни летала и артилериска муниција врз енергетската инфраструктура на руските воени региони“, се вели во соопштението.

Таа информација засега не е независно потврдена, наведуваат западни медиуми.