Русија доби балистички ракети од Иран

Русија сега доби пратки со балистички ракети од Иран и „најверојатно ќе ги користи во рок од неколку недели во Украина против Украинците“, изјави денеска американскиот државен секретар Антони Блинкен.Државниот секретар рече дека Вашингтон го предупредил Техеран и јавно и приватно дека обезбедувањето балистички ракети „ќе претставува драматична ескалација“.

„Овој развој и растечката соработка меѓу Русија и Иран ја загрозува европската безбедност и покажува како дестабилизирачкото влијание на Иран стигнува далеку подалеку од Блискиот Исток“, рече тој.

Блинкен, исто така, рече дека САД ќе објават нови санкции кон Иран.

Британскиот министер за надворешни работи, Дејвид Лами, го нарече снабдувањето со балистички ракети од Иран за Русија „значителна ескалација“.