Регулаторна го „послуша“ премиерот: Дизелот поевтинува за 6,50 денари, бензините поскапуваат за половина денар за литар

Дизелот од вечерва на полноќ ќе поевтини за 6,50 денари зѐа литар, а бенизните ќе поскапат за половина денар за литар. Ова е денешната одлука на Регулаторната комисија за енергетика, која е речиси идентична со најавата од вчера на премиерот Христијан Мицкоски за новите цени на дериватите по намалување на акцизата и попустот кој го дава ОКТА.

Од 2.6.2026 година од 00:01 часот максималните цени на нафтените деривати ќе изнесуваат:
Моторен бензин ЕУРОСУПЕР БС – 95 88,00 (денари/литар)
Моторен бензин ЕУРОСУПЕР БС – 98 90,00 (денари/литар)
Дизел гориво ЕУРОДИЗЕЛ БС (Д-Е V) 85,50 (денари/литар)
Масло за горење Екстра лесно 1 (ЕЛ-1) 87,50 (денари/литар)
Мазут М-1 НС 47,906 (денари/килограм)

Малопродажните цени на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) се намалуваат за 6,50 ден/литар, додека малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 0,50 ден/литар.

Малопродажната цена на Мазутот М-1 НС се намалува за 3,238 ден/кг и сега ќе изнесува 47,906 ден/кг.

Во соопштението на Регулаторната комисија за енергетика, водни услуги и услуги за управување со комунален отпад се вели дека се врши намалување на малопродажните цени на нафтените деривати во просек за 3,84% во однос на одлуката од 26.5.2026 година.

Референтните цени на нафтените деривати на светскиот пазар во споредба со претходната пресметка бележат намалување и тоа во просек: кај бензините за 10,867%, кај дизелот за 10,622%, кај екстра лесното масло за 10,136% и кај мазутот има намалувањето е за 8,238 %.
Курсот на денарот во однос на доларот во изминатиот период по кој беа формирани цените со претходната пресметка е повисок за 0,0272%.

Од РКЕ посочуваат дека во пресметката земени се во предвид намалениот износ на акцизите за 2,00 ден/лит кај ЕУРОДИЗЕЛ (Д-Е V) и кај бензините ЕУРОСУПЕР БС-95 и ЕУРОСУПЕР БС-98.

Напоменуваме дека ова се максималните цени на нафтените деривати од 00:01 часот на 2.6.2025 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени, се вели во соопштението од РКЕ.