Реал Мадрид одби да го прими шампионскиот трофеј од почит кон противникот
Минатиот викенд фудбалерите на Реал Мадрид по 36-ти пат станаа шампиони на Шпанија, но клубот одби да го прими трофејот на следниот натпревар.
По победата на „кралскиот клуб“ против Кадиз и поразот на Барселона од Џирона, Реал дојде до недостижна предност.
🚨 CONFIRMED: Real Madrid do not consider it appropriate to receive La Liga trophy in Granada’s stadium out of respect for Granada players who are risking relegation. @JLSanchez78 pic.twitter.com/pW3z1cMhI6
— Madrid Xtra (@MadridXtra) May 6, 2024
Челниците на Ла Лига стапиле во контакт со Мадрид во понеделникот наутро и им дале информација дека ќе им биде доделен шампионскиот пехар претстојниот викенд на гостувањето кај Гранада.
Сепак, Реал одбил да го прифати трофејот. Од клубот соопштиле дека имале посебна причина за таквиот чекор. Гранада, според сите проценки, ќе го загуби прволигашкиот статус на мечот против Реал бидејќи има дури 11 бода помалку од Мајорка на четири кола до крајот.
Од почит кон противникот, Реал одбил да го прифати трофејот на овој натпревар бидејќи не сакале навивачите на Гранада да го видат во тој момент. Исто така, мадриѓаните сакале да го добијат трофејот пред своите навивачи.