Радев: Десет години сме во ЕУ,а се најдовме покрај Уганда, Судан и Саудиска Арабија

„Бугарија мора да има влада по овие избори“, порача денес бугарскиот претседател Румен Радев, советувајќи ги партиите да размисат околу нивните меѓусебни напади низ оваа призма – како, кога ќе влезат во парламентот, заедно ќе формираат влада?

Тој увери дека привремената влада ќе вложи максимални напори да обезбеди машинско гласање на претстојните избори.

-Враќањето на довербата во изборниот процес е клучна задача и за ЦИК и за привремената влада и верувам дека тука ќе бидат преземени сите неопходни чекори за да има фер, транспарентни и слободни избори, рече тој.

Коментирајќи на прашањето колку длабоко треба да оди Бугарија како одговор на санкциите воведени со Законот Магнитски, претседателот рече дека ова е преседан за Европската унија и затоа нема јасна правна рамка за земја-членка на ЕУ и сојузник на НАТО под такви тешки санкции, само како да се постапува.

-Можете да видите дека веќе 10 години се движиме кон европски развој и во еден момент се наоѓаме покрај Уганда, Судан и Саудиска Арабија, оцени Радев.

Тој истакна дека привремената влада е должна да презема меркикои го минимизираат ризикот за државните институции и  за бугарските граѓани во финансиска смисла.