Пукнатина на норвешката платформа во Северното Море ги подигна цените на природниот гас

Извозот на Норвешки гас во Европа е значително намален поради пукнатина на платформата на Северното Море, објави операторот на гасоводот Гаско, со што накратко ги подигна цените на гасот на европскиот пазар на највисоко ниво од почетокот на годината.

Прекинот на работата е предизвикан од пукнатина на цевководот на платформата Sleipner Riser, соопшти компанијата. Засега не се знае колку време ќе трае поправката, но ситуацијата не е опасна, додаваат оттаму.

„Во однос на снабдувањето, последиците се големи“, изјави за Ројтерс менаџерот за операции на системот за гасоводот Гаско, Алфред Хансен.

Во 2022 година Норвешка ја престигна Русија и стана најголем снабдувач на гас во Европа. Sleipner Riser е точката за поврзување на цевководите Langeled North и Langeled South, кои го поврзуваат објектот Nyhamna на западниот брег на Норвешка со терминалот Easington во североисточна Англија.

Двата терминали беа затворени во понеделникот, а норвешкиот извештај покажа дека испораките на гас паднале на 255 милиони кубни метри дневно, од 300 милиони на крајот на минатата недела, според податоците на Гаско.

Sleipner може да се заобиколи, но опциите одземаат време и вклучуваат ризици, рече Хансен. Гаско работи со операторот на Sleipner Equinor за да го реши проблемот, изјави портпаролот на операторот на гасоводот.

„Работиме на план за поправки и компензаторни мерки за испорака на највисоки можни количини (гас) во Европа“, рече портпаролот.

Операторот на фабриката Нихамна, Шел, потврди дека проблемот е во Слајпнер, а портпаролот на Еквинор рече дека се направени прашања до Гаско, според Ројтерс.

Нихамна може да преработува до 79,8 кубни метри гас дневно, но поради затворањето во понеделникот, според Хансен, беа преработени само 23 кубни метри. Британскиот терминал Исингтон има капацитет од 72,50 кубни метри дневно.

Двете фабрики ќе бидат вон функција и во вторник, според веб-страницата на Гаско.

Намалениот извоз од Норвешка накратко ги зголеми цените на гасот за испорака на 24 јули на референтната европска дигитална централа ТТФ на 38,56 евра за мегават час, што е највисоко ниво од почетокот на декември. Во текот на попладневните часови падна на 35,85 евра, што значи дека порасна за 4,75 отсто.