Прв пат по пет години Дау Џонс има попозитивен тренд од Насдак четири недели по ред

Историски ниски каматни стапки постојат од финансиската криза пред повеќе од една деценија. 
Пред неколку дена, воедно беше и дванаесеттата годишнина од денот кога Дау Џонс падна на 6.547 поени. Сега неговата вредност е точно 400 проценти поголема! Во текот на изминатата недела, Dow заработи добри четири проценти, поставувајќи нова рекордна вредност секој ден, пишува регионалниот бизнис порттал СЕЕбиз.

Исто така во петокот, приносот на 10-годишната американска обврзница достигна 1,64 проценти. Сопствениците на обврзници бараат се повисоки и повисоки каматни стапки поради страв од инфлација, која треба да „удри“ по крајот на епидемијата.

Негативните трендови на пазарите на обврзници (колку е пониска цената на обврзниците, толку е повисок потребниот принос) не му пречат на Волстрит, но забележителни се полошите ефекти од технолошките акции и ротациите кон „вредните“ акции.

Значајно е тоа што четврта недела по ред, индексот Дау Џонс имаше подобри резултати од индексот Насдак, што се случува за прв пат од мај 2016 година.