Пронајден кокаин, приведен дилер на наплатната станица Сопот

На наплатната станица Сопот на автопатот „Пријателство“, полицијата вчера го лишила од слобода Д.Г.(19) од Кавадарци кај кого при личен претрес биле пронајдени и одземени околу 100 грама кокаин и пари, соопштуваат од Министерството за внатрешни работи.

– По претходно добиена судска наредба, било запрено возилото „фолксваген поло“ со кавадаречки регистарски ознаки, кое го управувал и при личен претрес кај него биле пронајдени и одземени околу 100 грама кокаин и пари, стои во соопштението од МВР.

Дополнуваат дека при претрес во неговиот дом во Кавадарци, извршен со судска наредба, биле пронајдени пари во различни апоени и валути за кои постои сомнение дека потекнуваат од кривичното дело.

Тој бил приведен во полициска станица и по целосно документирање на случајот против него ќе биде поднесена пријава по член 215 од Кривичниот законик.