Промовирана аудиокнигата „Ова не е крај“ посветена на Тоше Проески

Aудиокнигата „Ова не е крај“ посветена на Тоше Проески, беше промовирана од Националниот сојуз на слепите на Македонија. Излезе и звучното месечно списание „Панорама“, кое е гласник на Сојузот за информирање на слепите и слабовидните лица од земјава и од регионот.
На промоцијата се обрати министерот за култура Хусни Исмаили кој меѓу другото рече: „Министерството за култура со години ја поддржува издавачката дејност на Националниот сојуз на слепите на Република Северна Македонија зашто посветено работиме на спроведување на нашите политики за надминување на различностите, за кршење на бариерите, на намалување на границите и на разликите помеѓу луѓето од каков било вид“.
На свеченоста во Националниот сојуз на слепите, организирана по повод 15 Октомвр-Светскиот ден на Белиот стап се обрати претседателот на Сојузот, Жарко Селковски, а беа промовирани и последните броеви од списанието „Панорама“.