Приведени двајца крадци во Скопје, одземеното вратено на сопственикот

Полициски службеници од Полициската станица Центар вчера ги лишиле од слобода Ш.Љ.(20) и еден малолетник, двајцата од Скопје. Тие биле затекнати при извршување „тешка кражба“ во објект на правно лице на ул.„Македонија“, соопшти Министерството за внатрешни работи.

Одземените предмети, како што се посочува, биле пронајдени и вратени на сопственикот.

Лицата биле приведени во полициска станица и по целосно расчистување и документирање на случајот против нив ќе биде поднесена соодветна пријава по член 236 од Кривичниот законик, информираат од МВР.